اصباح-مساء الخير علي الجميع حبيت تشركوني في اراكم في بعض قصائد الامير خالد الفيصل ان شاء الله تعجبكم
(( يامدور الهين))
~ ~ ~ ~ ~
يامدور الهين ترى الكايد احلى،،،أسأل مغني كايدات الطروقِ
الزين غالي لكن الازين اغلى،،،ولكل شرايٍ بضاعه وسوقِ
النور عالي والسما فوقه اعلى،،،لَى فاق علمٍ جاه علمٍ يفوقِ
الصعب هلَّى قلت ياصعب سهلا،،،دامك تبيني فانت ياصعب شوقي
أحب أ‘سف المهرة اللي تغلى،،،واحب أروض كل طرفٍ يموقِ
واحب أسافر مع سحابٍ تعلى،،،واحب فوق الغيم لمع البروقِ
واحب أساهر بدري اللي تجلى،،،وارسم شعاع الشمس عند الشروقِ
يامن على ثاير فوادي تولّى،،،خلك على قلب الكرامه شفوقِ
أكرم عزيزٍ بالعمر مااستذلا،،،يسوق عمره للمشاريف سوقِ
إخترتك من الناس للقلب خلاَّ،،،ياحيثك مرادي وكيفي وذوقي
مارحت أدور كل زولٍ تحلى،،،لولاك تسوى ماعطيتك خفوقي
________________________________________________________________
إرفعي سهم المنايا
إرفعي سهم المنايا يالعيون = مابقى فيني مكان(ن) للطعون
كل شبر(ن) في حياتي إنجرح = و الذي شقّوا خفوقي يشتكون
يا العيون الطاغيه خفّي علي = كبرت اللّي باوّل ايامي تهون
في عيوني دمعتين واقفه = ردّت الايام دمعي بالجفون
بالغَت فيني تباريح الهوَى = وأستبدّت بي المواجيع الظنون
خبّريني يا غرام العاشقين = كيف يستهوي هل العشق المُنُون
إرحمي قلب(ن) تجاريبه قست = في زمان(ن) ماعرف يوم(ن) حنون
اللسان يخون و البسمه كُذُوب = واصدق التعبير نظرات العيون
________________________________________________________________
لا يطـول غيابـك ثـم اخـذ عـلـيـه .......... لـو تـخـلـيـت عني عنك قـلبي تـخلى
العـذر والتعـلـل والـحكي مـا نبيه ........... مـن تـحـرك فـواده بالهـوى ما تغلى
طبعي الصبر لكن وش عليه ارتجيه ........ مـن طويل الصبر يعقوب وايوب ملا
دامني حي عطني وش بقى نحتريه .......... ما بي دموعك اللي عقب مـوتي تهلا
مـا بقى بالـعـمـر مقـدار مـا راح فـيه ........... كــل مـا زل يـوم بـالـعـمـر ولى
مـا يعرف الجمر مثل الذي يكتويه ........... احد يـدفـا بـناره واحـد فـيه يتصلى
يـا مـن القلب حطيته براحة يـديه ............ ما رضى لـه مكان غير كفك محلا
كـم تعذر وعيا عـن هـوى مهتويه ............ لـيـن طـاح بيمينك بالغرام وتـجلى
________________________________________________________________
غريب الدار ومناي التـــــــــــــسلّي
اسلّي خاطري عن حب خلّي
ســـــــمعت الشور من قاصر معرفه
يحـــسب البعد عن داره يسلّي
أســــــــافر عنه من ديره لـــــــديره
عســــاي اسلاه لكن ما حصلّي
وأهوجس فيه وأنسى اني نسيته
وافكر في ليـــــــــــال قد مضلّي
أنا لا جيت اباأنســــــــــــاه لثوابي
خــــياله وانهمر دمـــــــعي يهلّي
وشوفه واقفاً من دون دمعي
حبيب القلب فيه يحلي
دعــــــــــــاني يا غــريب الدار عوّد
ترى مــالك محل الا مــــــــــحلّي
مكانك في عـــــيوني يا عـــــيوني
وصــــــــــدري من عناقك ما يملّي
________________________________________________________________
موضوع: خالد الفيصل 
الأربعاء فبراير 17, 2010 11:19 am
